1933 оны хавар. Сталины дэглэм ЗХУ-ын хотуудыг "нийгмийн гаж этгээдүүд, баячууд (кулакууд) болон паспортгүй хүмүүсээс цэвэрлэх" нууц тушаал буулгалаа. Москва, Ленинград хотын гудамжнаас санамсаргүй байдлаар баривчлагдсан энгийн иргэд, оюутнууд, тариачид болон жинхэнэ гэмт хэрэгтнүүд нийлсэн 6,000 гаруй хүнийг вагонд чихэн Баруун Сибирийн гүн рүү ачив.

5-р сарын 18-нд тэднийг Обь мөрний дунд орших эзгүй, намаг балчигтай Назины арал (Остров Назино) дээр усан онгоцноос буулгалаа. Энэ арал нь ердөө 3 км урт, 600 метр өргөн хэмжээтэй байв. Хамгийн аймшигтай нь эрх баригчид тэдэнд ганц ч майхан, сүх, хүрз, тогоо шанага, дулаан хувцас өгсөнгүй! Тэд зөвхөн баривчлагдах үедээ өмсөж явсан нимгэн пальто, костюмтайгаа л мөсөн гол хөвсөн арал дээр хаягдсан юм. Арлын эргэн тойронд усан онгоцон дээр пулемёт зоосон 50 цэрэг харуулд гарч, сэлж зугтах гэсэн хэнийг ч газар дээр нь буудан хөнөөж байв.

Эхний 4 хоногт хүмүүст идэх юу ч өгсөнгүй. Тав дахь өдөр эрэг дээр усан онгоц ирж, 20 тонн түүхий хөх тарианы гурилыг элсэн дээр овоолон асгав. Өлсгөлөнд нэрвэгдсэн 6,000 хүн гурил руу дайрахад харуулууд тэдний өөдөөс гал нээж олон хүнийг хөнөөжээ. Тогоо шанага, аяга таваг байхгүй тул хүмүүс малгай, пиджакны хормойдоо гурил хийгээд, голын бохир усанд зуурч түүхийгээр нь идэж эхлэв. Хуурай гурил чихэж идсэн хүмүүс амьсгал нь боогдон хахаж үхэж байсан бол, бохир ус уусан хүмүүс цусан суулга өвчнөөр хэдэн зуугаараа хиарч байлаа.

Шөнө нь цас орж хүйтрэхэд хүмүүс дулаацахын тулд асар том түүдэг гал асаан шавалдаж унтах бөгөөд тамирдаж унасан олон арван хүн шөнөдөө галд амьдаараа шатаж үхэж байв.

Арал дээр хууль үйлчлэхээ больж, жинхэнэ эрүүгийн гэмт хэрэгтнүүд бүлэглэн энгийн иргэдийн алтан шүдийг амьдаар нь сугалан дээрэмдэж эхэллээ. Гэвч гурил дуусах үед буюу 10 дахь хоногоос эхлэн Назины арал дэлхийн түүхэнд байгаагүй аймшигт газар болон хувирав. Голын нөгөө эрэг дээрх тосгоны оршин суугчдын гэрт нэгэн өдөр уснаас арайхийн сэлж гарсан, нэг хөлнийх нь эрээн булчинг хутгаар огтолж авсан хагас ухаангүй эмэгтэй орж ирлээ...

🔒

Нийтлэлийг үргэлжлүүлэн унших

Та QPay ашиглан ердөө 2,500 ₮ төлөөд энэхүү нийтлэлийг шууд унших, эсвэл сар/жилийн эрх аван бүх нийтлэлийг хязгааргүй унших боломжтой.

💳 Ганц энэ нийтлэлийг унших (2,500 ₮) 💎 Сар / Жилийн эрх авах