Сарын эрх идэвхжүүлэх
Сайтын бүх нийтлэл, нууцлаг бодит түүхүүдийг 30 хоног хязгааргүй унших боломжтой.
16-р зуун бол Испанийн эзэнт гүрний алтны шунал дэлхийг бүрхэж байсан үе билээ. Инкагийн эзэнт гүрнийг тонон дээрэмдсэн конкистадорууд ширэнгэн ойн гүнд "Эль Дорадо" буюу байшингууд нь алтаар гялалзаж, хаан нь биеэ алтан нунтгаар бүрдэг домогт баян хот бий гэдэгт бүрэн итгэж байв.
1541 оны 2-р сар. Гонсало Писарро (алдарт дээрэмчин Франсиско Писаррогийн дүү) болон дэд жанжин Франсиско де Орельяна нар 220 зэвсэгт морьтон конкистадор, 4,000 индиан боол, 2,000 анч нохой, хэдэн зуун гахай тууж, Кито хотоос гарч үл мэдэгдэх дорно зүгийн ширэнгэ рүү хөдөллөө.
Энэ аялал дэлхийн түүхэн дэх хамгийн гашуун, аймшигт сүйрлийн нэг болно гэдгийг хэн ч төсөөлөөгүй юм.
Андын нурууг давахдаа л зуу зуун хүн осгож үхэв. Харин уулнаас бууж Амазоны нам дор ширэнгэд ороход тэднийг жинхэнэ ногоон там угтлаа. Төгсгөлгүй үргэлжлэх халуун бороо, өтгөн намаг, хумхаа өвчин, хорт могойнууд хүмүүсийг өдөр бүр хиаруулж эхлэв. Морьд шаварт шигдэж, хүнсний нөөц нь 3 сарын дотор дууслаа.
өлсгөлөнд тарчилсан испаничууд эхлээд нохдоо, дараа нь морьдоо нэг нэгээр нь идэв. Удалгүй идэх амьтан үгүй болоход төмөр хуягныхаа ширэн оосор, морины эмээл, хөлийнхөө ширэн гутлыг буцалж буй усанд хэдэн өдрөөр чанаж, шөл болгон залгиж байв. 4000 индиан боолоос 3000 гаруй нь өвчин, өлсгөлөнгөөр хэдийнэ үхэж ширэнгэн дунд орхигджээ.
Эцсийн найдвар болгон Орельяна 57 цэрэгтэйгээр модон жижиг завь хийж, хүнс олохоор голын урсгал даган одсон боловч ширүүн урсгал тэднийг эргэж буцах ямар ч боломжгүйгээр хэдэн зуун километр хол урсгав.
Удалгүй ширэнгэн ойн хоёр эргээс хачирхалтай хүрдэн хэнгэргийн чимээ цуурайтаж, навчин дундаас хорт сумаар зэвсэглэсэн нутгийн омгийн олон зуун дайчид завин дээрх испаничуудыг тойрон бүсэллээ...
Нийтлэлийг үргэлжлүүлэн унших
Та QPay ашиглан ердөө 2,500 ₮ төлөөд энэхүү нийтлэлийг шууд унших, эсвэл сар/жилийн эрх аван бүх нийтлэлийг хязгааргүй унших боломжтой.